“Real” “Bayern”dən daha böyükdür” – Alaba

İspaniyanın “Real” klubunun futbolçusu David Alaba maraqlı açıqlama ilə gündəmə gəlib.

Komanda.az xarici mətbuata istinadən xəbər verir ki, avstriyalı müdafiəçi, “Real”la keçmiş komandası “Bayern”i müqayisə edib:

“Hər iki komanda uğur qazanmaq üçün daim çalışır. “Bayern” də “Real” kimi dünyanın ən böyük klublarındandır. Möhtəşəm oyun üslubuna sahibdirlər. Komandaların fərqlilikləri xırda detallardır. Hər iki klubda uğur qazanmaq vacib amildir.

“Real” hazırda qələbəyə ac bir komandadır və titul qazanmaq üçün hər şey edir. “Bayern” də elədir, amma “Real” bir az daha böyükdür”.