“Real” “Barselona”nın futbolçusu ilə maraqlanır

İspaniyanın “Real” klubu “Barselona”nın futbolçusu Ronald Arauxo ilə maraqlanır.

Komanda.az xəbər verir ki, Madrid klubu Kataloniya təmsilçisi ilə müqaviləsi 2023-cü ilin yayına qədər olan müdafiəçini heyətinə qatmaq niyyətindədir. Bu barədə İspaniya mətbuatı məlumat yayıb.

“Real” Arauxo “Barselona” ilə yeni müqavilə imzalamayacağı halda, onunla danışıqlara başlayacaq.

Arauxo 2019-ci ilin avqustundan “Barselona”da çıxış edir. “Real” 2018-ci ildə də uruqvaylı futbolçunu transfer etmək istəsə də, Arauxo seçimini “Barselona”dan yana etmişdi.