Çempionlar Liqasının final matçına ev sahibliyi etmək istəyirlər – ispanlar

İspaniyanın Madrid şəhəri Çempionlar Liqasının final oyununa ev sahibliyi etmək istəyir.

Komanda.az xəbər verir ki, bu barədə şəhərin meri Xose Luis Martines Almeyda “Marca” nəşrinə açıqlama verib. O, Madrid şəhərinin Çempionlar Liqasının final matçına ev sahibliyi edə biləcəyini bildirib.

Çempionlar Liqasının final matçı İstanbulda keçirilməlidir. Turnir koronavirus pandemiyasına görə mart ayından dayandırılıb. ÇL-in taleyiylə bağlı son qərar iyunun 17-də, UEFA İcraiyyə Komitəsinin iclasında veriləcək.