Qrizmann rəsmən “Atletiko”da

İspaniyanın “Atletiko” klubu heyətini yeni futbolçu ilə gücləndirib.

Komanda.az xəbər verir ki, Madrid təmsilçisi “Barselona”dan Antuan Qrizmannı heyətinə qatıb. Bu barədə klubun mətbuat xidməti məlumat yayıb. Qrizmann 2021/2022 mövsümünün sonuna qədər “Atletiko”da çıxış edəcək.

Qrizmann 2014-2019-cu illərdə “Atletiko”da çıxış edib. 30 yaşlı futbolçu 2019-cu ilin yayında 120 milyon avro qarşılığında “Barselona”ya keçib.