“Real”la oyundan əvvəl “Atletiko”da ciddi itki

İspaniya superkubokunun final matçında “Real”la qarşılaşacaq “Atletiko” ciddi itkiylə üzləşib.

Komanda.az xəbər verir ki, Madrid təmsilçisinin yarımmüdafiəçisi Koke sıradan çıxıb. Bu barədə klubun rəsmi saytı məlumat yayıb. Superkubokun yarımfinalının “Barselona” ilə matçında zədələnən Koke, “Real”la qarşılaşacaqları final oyununda komandasına kömək edə bilməyəcək.

“Barselona”nı 3:2 hesabıyla məğlub edən “Atletiko” yanvarın 12-də “Real”la qarşılaşacaq.