“Almaniya qalib gəlsəydi, haqsızlıq olardı” – Ramos

İspaniya milli komandasının futbolçusu Serxio Ramos UEFA Millətlər Liqasının ilk turunda Almaniya ilə qarşılaşdıqları oyundan sonra fikirlərini bildirib.

Komanda.az xəbər verir ki, UEFA-nın mətbuat xidmətinə danışan kapitan, 1:1 hesabıyla bitən görüşü belə şərh edib:

“Almaniya qalib gəlsəydi, haqsızlıq olardı. Çox güc sərf etdik və sonda istədiyimizə nail olduq. Uşaqlar nizam-intizamı qorudu və istədiyimizi aldıq. Sonda ölən ümidlərdir, biz özümüzə güvənirdik.

Ümumilikdə, debüt oyununa çıxan uşaqlar da yaxşı performans sərgilədilər. Onlar cəsarətli və acdırlar, İspaniyanı daha da gücləndirmək istəyirlər”.