“Millətlər Liqasını qazanmaq istəyirik” – Enrike

İspaniya milli komandasının baş məşqçisi Luis Enrike UEFA Millətlər Liqasının finalında Fransa yığmasına qarşı keçirəcəkləri oyundan əvvəl fikirlərini bildirib.

Komanda.az xəbər verir ki, Enrike, çempion olmaq istədiklərini deyib:

“Millətlər Liqasını qazanmaq istəyirik. Avropa çempionunu məğlub etdik, indi isə dünya çempionu ilə oynayacağıq. Mənim üçün vacib olan komandanı oyuna yaxşı hazırlamaqdır. Oyunumuzu fransızlara göstərmək istəyirik. Öz silahımızla rəqibi vurmağa çalışacağıq”.

Bu gün keçiriləcək İspaniya – Fransa matçı saat 22:45-də başlayacaq.