“Real”ın Mbappeni almaq üçün pulu var?

İspaniya La Liqasının prezidenti Xavyer Tebas “Real”ın PSJ-dən Kilian Mbappeni ala biləcəyini deyib.

Komanda.az xəbər verir ki, yerli mətbuata danışan Tebas, Madrid təmsilçisinin yaxşı maliyyə gücü olduğunu deyib:

“Real”ın Mbappeni alıb-almayacağını bilmirəm. Ancaq klub Mbappe üçün lazım olan pulu ödəyə bilər. Koronavirus pandemiyasına baxmayaraq, “Real” maliyyə baxımından yaxşı bir il keçirdi”.