İspaniya klubundan Cənubi Azərbaycan komandasına keçdi

Cənubi Azərbaycanın “Traktor” klubu heyətini yeni futbolçu ilə gücləndirib.

Komanda.az xəbər verir ki, Təbriz təmsilçisi İspaniyanın “Kadis” klubunun cinah yarımmüdafiəçisi Alvaro Ximenesi icarəyə götürüb.

28 yaşlı vinger bir illik icarə əsasında bu komandada forma geyinəcək. O, Təbriz təmsilçisinin ispan baş məşqçisi Pako Xemesin dəvəti ilə bu komandada oynamağa razılaşıb.

Ximenes 2020-ci ildən çıxış etdiyi “Kadis”də cəmi 12 oyuna çıxıb, 1 qol vurub. O, əvvəlki mövsümlərdə “İbiza” və “Las Palmas”da da icarədə oynayıb.