İsgəndərlinin Super Liqa arzusu

Azərbaycan millisinin futbolçusu Vüsal İsgəndərli Türkiyə Super Liqasında oynamaq istəyir.

Komanda.az xəbər verir ki, bunu 1-ci Liqada çıxış edən “Boluspor”un yarımmüdafiəçisi yerli mətbuata açıqlamasında deyib.

28 yaşlı oyunçu Bolu təmsilçisində özünü çox yaxşı hiss etdiyini bildirib: “Burada hər şey ürəyimcədir. Klubun fərqli sistemi var. Vaxt keçdikcə qollarım və assistlərim də gələcək. İndiki mərhələdə əsas Superliqaya yüksəlmək üçün pley-offa vəsiqə qazanmaqdır. Növbəti mövsüm Superliqada oynamaq istəyirəm”.

“Boluspor”a bu ilin əvvəlində Albaniya klubu “Eqnatiya”dan keçən İsgəndərlinin müqavilə müddəti 2026-cı ilin yayına qədərdir.