“Real”a qiymət oxudular

İspaniyanın “Real” klubu Portuqaliya “Sportinq”indən Bruno Fernandeslə yaxından maraqlanır.

Komanda.az xəbər verir ki, Madrid təmsilçisi 24 yaşlı yarımmüdafiəçini transfer etmək niyyətindədir. Bu barədə Portuqaliyanın “A Bola” nəşri məlumat yayıb.

Lissabon təmsilçisi Fernandes üçün “Real”dan 70 milyon avro tələb edir. Bu məbləği vermək istəməyən La Liqa klubu “Sportinq”in qiymətdə endirim edəcəyi təqdirdə, Fernandesin keçidini həll edəcək.

Fernandeslə “Tottenhem” və “Mançester Yunayted” də yaxından maraqlanırdı. “Sportinq”in tələb etdiyi məbləğin yüksək olması səbəbindən, hər iki klub portuqaliyalı oyunçunun transferindən imtina etmişdi.