“Qarabağ”ı təhlil etmişik, yenə də edəcəyik”

İrlandiyanın “Dandalk” klubunun futbolçusu Ceymi Makqrat Çempionlar Liqasının 2-ci təsnifat mərhələsində “Qarabağ”la qarşılaşacaqları ilk oyun haqda fikirlərini bildirib.

Komanda.az xəbər verir ki, klubun rəsmi saytına danışan 22 yaşlı yarımmüdafiəçi, “Qarabağ” haqda məlumatlarının olduğunu deyib:

“Qarabağ”ı təhlil etmişik, yenə də edəcəyik. Onlar yüksək keyfiyyətli komanda kimi görünür, ancaq onlarla oynayana qədər nəyisə təxmin edə bilmirsən. Məşqçimiz Stiven Odonnel bir neçə dəfə “Qarabağ”ı izləyib. O, bizi lazımlı məlumatlarla oyuna yaxşı hazırlayacaq”.

“Qarabağ” “Dandalk”la ilk oyununu səfərdə, iyulun 24-də keçirəcək. Komandalar arasındakı cavab matçı isə avqustun 31-də olacaq.