Federasiya müqavilə şərtlərinə əməl etmədi, baş məşqçi istefa verdi

İran milli komandasının baş məşqçisi Mark Vilmots istefa verib.

Komanda.az xəbər verir ki, bu barədə 50 yaşlı mütəxəssis rəsmi “tvitter” hesabından məlumat yayıb. Vilmotsun sözlərinə görə, İran Futbol Federasiyası müqavilə şərtlərini yerinə yetirmir. Bu səbəbdən də, belçikalı mütəxəssis istefa verib.

Vilmots 2019-cu ilin mayında İran yığmasına baş məşqçi təyin olunmuşdu.