İquayn qərarını açıqladı: “Növbəti mövsümdə…”

İcarə əsasında “Çelsi”də forma geyinən Qonsalo İquayn London təmsilçisində qalmaq istəyir.

Komanda.az xəbər verir ki, argentinalı hücumçu, İngiltərə mətbuatına açıqlamasında, növbəti mövsümdə də “Çelsi”də çıxış etmək istədiyini deyib:

“Yeni bir çempionat həmişə maraqlı olub. Düzü, hazırda uyğunlaşma prosesindəyəm. Tez bir zamanda komandaya tam uyğunlaşıb, mövsümü qollarla bitirmək istəyirəm. Beləcə, növbəti mövsümdə də burda qala bilərəm.

Çempionlar Liqasına vəsiqə qazanmaq və Avropa Liqasının qalibi olmaq istəyirik. İstəyərək bura gəldim və burda da qalmaq istəyirəm. London gözəl şəhərdir. Niyyətim burda qalmaqdır”.

“Çelsi” qış fasiləsində “Yuventus”dan icarəyə götürdüyü İquaynın transfer hüquqlarına sahib ola bilər. Bunun üçün “zadəganlar” Turin təmsilçisinə 36 milyon avro ödəməlidir.