İnzaqinin “İnter”dəki hədəfi

“İnter”in baş məşqçisi Simone İnzaqi uzunmüddətli hədəfindən danışıb.

Komanda.az xəbər verir ki, italiyalı mütəxəssis mətbuat konfransında məqsədinin daha uzun illər “İnter”də çalışmaq olduğunu bildirib:

“Uzun illər “İnter”də qalacammı? Mənim istədiyim budur. Burada özümü yüksək qiymətləndirilmiş hiss edirəm. Məqsədim daha uzun illər “İnter”də çalışmaqdır”.

İnzaqi 2021-ci ildən Milan komandasına rəhbərlik edir. Onun hazırkı müqaviləsi 2027-ci ilin yayına qədərdir, ancaq klub rəhbərliyi anlaşmanı uzatmaqda maraqlıdır.

“İnter” hazırda İtaliya A Seriyasının turnir cədvəlinin 3-cü pilləsində qərarlaşıb. Ehtiyatda 2 oyunu olan milanlılar lider “Atalanta”dan 6 xal geri qalır.