İnyestadan Yamala məsləhət

“Barselona”nın sabiq futbolçusu Andres İnyesta Lamin Yamalın uğurlarından danışıb.

Komanda.az “Barca Universal”-a istinadən xəbər verir ki, bu yaxınlarda karyerasını bitirən sabiq yarımmüdafiəçi, Yamalın mühitinin ona düzgün istiqamətdə hərəkət etməyə kömək göstərməli olduğunu bildirib:

“Yamalın mühiti ona düzgün istiqamətdə hərəkət etməyə kömək göstərməlidir. Onun 17 yaşı var, indi etməli olduğu şey məktəb meydançasında oynayırmış kimi, eyni azadlıq hissi ilə futboldan həzz almağa davam etməkdir”.

Yamal bu mövsüm “Barselona”nın heyətində 11 matçda 5 qol vurub və 5 məhsuldar ötürmə edib.

17 yaşlı futbolçu yalnız ikinci mövsümündə böyüklər səviyyəsində çıxış edir. Artıq o, Kataloniya klubunun və İspaniya millisinin əsas oyunçusuna çevrilib.