“İnter”in hədəfi – braziliyalı hücumçu

“Mançester Siti”nin hücumçusu Qabriel Jesus “İnter”in transfer hədəflərindən biridir.

Komanda.az “goal.com”a istinadən xəbər verir ki, “neradzurra” yay transfer pəncərəsi dövründə braziliyalı hücumçunu heyətinə qatmaq istəyir. Amma “şəhərlilər” Jesusla yollarını ayırmaq niyyətində deyil. “Mançester Siti” yaxın vaxtlarda futbolçu ilə yeni müqavilə ilə bağlı müzakirəyə başlamaq istəyir.

Braziliya millisinin də üzvü olan 24 yaşlı hücumçu 2017-ci ildən “Mançester Siti”də çıxış edir.