“İnter” hücumçusunu “Atletiko”ya satır – razılıq əldə olunub

“İnter”in sabiq futbolçusu Nikola Ventola Lautaro Martinesin yeni ünvanını açıqlayıb.

Komanda.az xarici mətbuata istinadən xəbər verir ki, Ventola, argentinalı hücumçunun “Atletiko”ya keçəcəyini bildirib:

“İndi “bomba”nı partladıram. Martines “Atletiko”da oynayacaq. Artıq “İnter”lə “Atletiko” razılığa gəlib. “Atletiko” onun üçün çox pul ödəyəcək”.

Martines bu mövsüm “İnter”lə 46 oyunda 18 qol vurub, 9 məhsuldar ötürmə edib. 2018-ci ildən “neradzurra”da çıxış edən hücumçunun “transfermarkt”da dəyəri 70 milyon avrodur.