“İnter”in müdafiəçisi İspaniya və İngiltərə klublarının “radar”ındadır

“İnter”in müdafiəçisi Tacon Buşanan xarici klubların “radar”ına düşüb.

Komanda.az xarici KİV-ə istinadən xəbər verir ki, kanadalı futbolçunu icarəyə götürməkdə İngiltərə Premyer Liqası və İspaniya La Liqasının təmsilçiləri maraqlıdır.

Buşanan meydanda az hallarda göründüyü üçün getməyə namizəd sayılır. Oyunçunun özü qalmağa və komandada yer almaq üçün mübarizə aparmağa üstünlük verir. “İnter” onunla yolların ayrılmasını istisna etmir, ancaq getməsi üçün məcbur etməyəcək.

25 yaşlı müdafiəçi cari mövsümdə milanlıların heyətində 5 matçda iştirak edib.