AÇ-2020: “İtaliya millisi finala vəsiqə qazanmağa tam layiq idi”

“İnter”in keçmiş baş məşqçisi Antonio Konte İtaliya yığmasının AÇ-2020-dəki çıxışını dəyərləndirib.

Komanda.az xəbər verir ki, Konte, “skuadra adzurra”nın finala layiq olduğunu deyib:

“İtaliya millisi finala vəsiqə qazanmağa tam layiq idi. Buna qədər digər rəqiblərdən üstün olduğunu və müxtəlif vəziyyətlərdən çıxmağı bacarmaqla necə bir komanda olduğunu sübut etdi.

Finalda bizim azarkeşlərimiz az olacaq. Ancaq biz hər şeyi başa düşürük. Finalda oynamağın nə demək olduğunu dərk edirik və ingilisləri necə məğlub edəcəyimizi də bilirik”.

AÇ-2020-nin İtaliya və İngiltərə milli komandaları arasında keçiriləcək final matçı iyulun 11-də olacaq.