“İnter”in hücumçusu sağaldı

İtaliyanın “İnter” klubunun zədəli futbolçusu Romelu Lukaku sağalıb.

Komanda.az xəbər verir ki, bu barədə baş məşqçi Antonio Konte məlumat verib:

“Lukaku son məşqlərimizdə iştirak etdi. O, böyük ehtimalla “Atalanta” ilə oyunda meydanda olacaq”.

Çempionlar Liqasının qrup mərhələsinin 2-ci turu çərçivəsində “Şaxtyor”la oyunda (0:0) zədələnən belçikalı futbolçu, 3-cü turda “Real”la matçı (2:3) buraxmışdı.

“Atalanta” – “İnter” oyunu bu gün, saat 18:00-da başlayacaq.