“İnter”in hazırkı heyəti çox, çox yaxşıdır” – Keçmiş futbolçu

Çempionlar Liqasının ikiqat qalibi Ouen Harqrivs Çempionlar Liqasının (ÇL) qarşıdan gələn finalı haqda danışıb.

Komanda.az “BT Sport”-a istinadən xəbər verir ki, keçmiş futbolçu ÇL-in finalına vəsiqə qazanan “İnter”in ünvanına xoş sözlər deyib:

“İstər “Mançester Siti”, istərsə də “Real”, onlardan biri finalda favorit olacaq. Bununla belə, “İnter” dünən göstərdi ki, onların fantastik komandası var. “İnter”in hazırkı heyəti çox, çox yaxşıdır”.

“İnter” Çempionlar Liqasının 1/8 finalında Portuqaliya təmsilçisi “Portu”ya, 1/4 finalda isə bu ölkənin digər komandası “Benfika”ya qalib gəlib. Yarımfinalda onlar İtaliyanın digər təmsilçisi “Milan”dan üstün olublar.

“İnter” turnirin finalında “Mançester Siti” – “Real” matçının qalibi ilə qarşılaşacaq.

Çempionlar Liqasının final matçı iyunun 10-da, İstanbuldakı Atatürk Olimpiya Stadionunda keçiriləcək.