“Futbolçularım əllərindən gələni etdilər, ancaq olmadı” – Konte

“İnter”in baş məşqçisi Antonio Konte Çempionlar Liqasının qrup mərhələsinin sonuncu turu çərçivəsində “Şaxtyor”a (Ukrayna) qarşı keçirdikləri oyunu şərh edib.

Komanda.az xarici mətbuata istinadən xəbər verir ki, Konte, 0:0 hesabıyla bitən görüşdən sonra bunları deyib:

“Şaxtyor”la oynadığımız iki oyunda da qol vura bilmədiyimizə inana bilmirəm. Çempionlar Liqasında hakimlər və VAR baxımından şansımız yox idi. Qrupdan çıxmaq arzumuzun az olmasına inanmıram. Futbolçularım əllərindən gələni etdilər, ancaq olmadı”.

B qrupunda “Real” (İspaniya), “Borussiya” (Münhenqladbax, Almaniya) və “Şaxtyor”la (Ukrayna) mübarizə aparan “İnter” qrupu sonuncu pillədə bitirərək, turnirlə vidalaşıb.