“Skudetto demək olar bizimdir, 95 faiz çempion olacağıq” – Konte

“İnter”in baş məşqçisi Antonio Konte A Seriyasının 33-cü turu çərçivəsində “Verona”nı məğlub etdikləri oyundan (1:0) sonra fikirlərini bildirib.

Komanda.az xəbər verir ki, DAZN-a danışan Konte, çempionluğa yaxın olduqlarını bildirib:

“Napoli” və “Spetsiya”ya qarşı yaxşı oynamışdıq. Bizi dayandıracaqlarını düşündülər, ancaq olmadı. Dayanmırıq, irəliləyirik. Skudetto demək olar bizimdir, 95 faiz çempion olacağıq. Bizə problem yarada biləcək komandalara qalib gəlmək vacib idi”.

“İnter” A Seriyasında sona 5 tur qalmış 79 xalla liderdir və ən yaxın izləyicisi “Atalanta”nı 9 xal qabaqlayır.