Xabi Alonso: “İnter”in inanılmaz oyunçuları var”

Leverkuzen “Bayer”inin baş məşqçisi Xabi Alonso “İnter”lə oyundan əvvəl jurnalistlərə açıqlama verib.

Komanda.az UEFA-nın mətbuat xidmətinə istinadən xəbər verir ki, ispaniyalı çalışdırıcı “İnter”i qəbul etməyi səbirsizliklə gözlədiklərini bildirib:

“İnter” matç üzərində böyük nəzarətə malik ola bilən komandadır, onların inanılmaz oyunçuları və dünyanın ən yaxşı məşqçilərindən biri var. Onları öz stadionumuzda qəbul etməyi səbirsizliklə gözləyirik.

Hakan Çalhanoğlu? Yadımdadır, o, “Bayer”də oynayanda “10 nömrə” idi, amma indi onun oyunu dəyişib. Hakanın komandasının oyununa böyük təsiri var, həmçinin “İnter”in çoxlu güclü futbolçuları var”.

“Bayer” – “İnter” matçı bu gün Leverkuzendə keçiriləcək. Qarşılaşmanın start fiti saat 00:00-da səslənəcək.