“İnter” transfer edir, “Everton” qazanır

İtaliyanın “İnter” klubuna transfer olunmağa hazırlaşan “Mançester Yunayted”in futbolçusu Romelu Lukakunun keçidindən “Everton” da faydalanacaq.

Komanda.az İngiltərə mətbuatına istinadən xəbər verir ki, “qırmızı şeytanlar” bu transfer gerçəkləşəcəyi halda, Mersisayd klubuna 5 milyon avro ödəyəcək. Belçikalı futbolçunu klubla imzaladığı ilk müqavilə bitməmişdən əvvəl satan “Mançester Yunayted”, onun əvvəlki komandasına bu məbləği ödəməlidir.

Lukakunu Mançester təmsilçisinə 75 milyon avroya satan “Everton”, bu transferdən ümumilikdə 80 milyon qazanc əldə etmiş olacaq.

Lukaku 2013-2017-ci illərdə “Everton”un şərəfini qoruyub.