“İnter” Skamakkanın transferini gerçəkləşdirib

“İnter” italiyalı futbolçu Canluka Skamakkanı transfer edib.

Komanda.az xəbər verir ki, tanınmış insayder Nikolo Skira sosial şəbəkə hesabında bu barədə paylaşım edib.

Onun sözlərinə görə, “Vest Hem”in hücumçusu “neradzurra” ilə 5 illik müqavilə imzalayacaq. 24 yaşlı oyunçunun yeni komandasında illik məvacibi 3,2 milyon avro təşkil edəcək.

Hazırda klublar arasında danışıqların son mərhələsi gedir. “Çəkicdöyənlər” bu keçiddən təxminən 25-30 milyon avro qazanc əldə edə bilər.

Skamakka başa çatan mövsümdə “Vest Hem”in heyətində bütün turnirlər daxil olmaqla 27 oyuna çıxıb, 8 qol vurub.