Xavi Messinin baş məşqçisi ola bilər

“İnter Mayami”də baş məşqçi postunu tərk etmək qərarına gələn Xerardo Martinonu kimin əvəz edə biləcəyi məlum olub.

Komanda.az xarici KİV-ə istinadən xəbər verir ki, Martinonun yerinə namizədlər arasında Lionel Messinin keçmiş komanda yoldaşları Xavi Hernandes və Xavyer Maskerano var.

Maskerano hazırda Argentinanın gənclər komandasını çalışdırır, Xavi isə yayda “Barselona”nın baş məşqçisi vəzifəsindən istefa verib.

Xavi və Maskerano “İnter Mayami”dən əvvəl “Barselona”da çıxış etmiş Messi, Luis Suares, Serxio Buskets və Xordi Albanın keçmiş komanda yoldaşlarıdır.