“İnter” İkardinin transfer dəyərini müəyyənləşdirdi

“İnter” mövsümün sonunda komandadan ayrılacağı gözlənilən Mauri İkardinin transfer dəyərini müəyyənləşdirib.

Komanda.az xəbər verir ki, A Seriyası təmsilçisi argentinalı hücumçunun transfer dəyərini 80 milyon avro müəyyənləşdirib. Bu barədə İtaliya mətbuatı məlumat yayıb. Məlumatda, “İnter”in İkardini 50 milyon avroya da buraxa biləcəyi bildirilib. “Real”, “Napoli” və “Yuventus” kimi klubların 50 milyona razı olduğu iddia olunur.

“İnter”lə 2021-ci ilə qədər müqaviləsi olan İkardi, bu mövsüm 28 oyunda 15 qol vurub.