“İnter” niderlandlı futbolçu ilə yeni müqavilə bağlayacaq

“İnter”in və Niderland millisinin müdafiəçisi Denzel Dumfris Milan klubu ilə müqaviləsini uzadacaq.

Komanda.az xarici KİV-ə istinadən xəbər verir ki, “İnter”in niderlandlı futbolçu ilə yeni müqaviləsi 2028-ci ilin iyun ayına qədər qüvvədə olacaq.

28 yaşlı müdafiəçi cari mövsümdə “İnter”in heyətində 14 oyun keçirib, 2 qol vurub və 1 məhsuldar ötürmə edib.

“İnter” A Seriyasının turnir cədvəlində 4-cü pillədə qərarlaşıb.