ÇL: “İnter” çox təcrübəli komandadır”- Naqelsmann

“Bayern”in baş məşqçisi Yulian Naqelsmann Çempionlar Liqasının qrup mərhələsinin 1-ci turunda “İnter”lə keçirəcəkləri oyun haqda gözləntilərini bölüşüb.

Komanda.az xarici KİV-ə istinadən xəbər verir ki, Naqelsmann, “İnter”i təcrübəli komanda adlandırıb:

“İnter” çox təcrübəli komandadır. Onların yaxşı baş məşqçisi və çoxlu fərdi güclü futbolçuları var. Romelu Lukaku zədəlidir, lakin Edin Dzeko kimi hücumçunu unutmamaılıyıq. Düşünürəm ki, onlar bizimlə görüşdə dərin müdafiəyə oturacaqlar”.

“Bayern” C qrupunda “İnter”lə yanaşı, “Barselona” və “Viktoriya” (Plzen) ilə mübarizə aparacaq.

Oyun sentyabrın 7-də keçiriləcək və saat 23:00-da başlayacaq.