“Biz bütün şübhələri rədd edirik” – Qvardiola

“Mançester Siti”nin baş məşqçisi Pep Qvardiola futbolçularından şübhələnməməyə çağırıb.

Komanda.az xarici KİV-ə istinadən xəbər verir ki, o, bunu deyib:

“İnsanların “Mançester Siti”də bir şeyə şübhəsi olanda biz bütün şübhələri rədd edirik. Odur ki, ehtiyatlı olun, mənim məsləhətimdir. Baxın, Rodri bizim üçün çox önəmlidir, lakin Kovaçiç ən yüksək səviyyədə oynayan təcrübəli oyunçudur”.

“Şəhərlilər” avqustun 24-də İngiltərə Premyer Liqasının 2-ci turu çərçivəsində “İpsviç”lə qarşılaşacaq.

Komandanın yarımmüdafiəçisi Mateo Kovaçiç zədəli olan Rodrini əvəzləmək üçün ən bariz variant olmasa da, xorvatiyalı futbolçu “Çelsi” ilə (2:0) oyunda fərqlənməyi bacarıb və qol vurub.