“Barselona”nın müdafiəçisi gələcəyi ilə bağlı qərar verib

“Barselona”nın müdafiəçisi İniqo Martines gələcəyi ilə bağlı qərar verib.

Komanda.az xarici KİV-ə istinadən xəbər verir ki, ispaniyalı futbolçu bu yay Kataloniya klubundan ayrılmaq niyyətində deyil.

İniqo həmişə “Barselona”nın start heyətində görünmür, buna görə də, mətbuat bunu müdafiəçinin mümkün gedişiylə əlaqələndirməyə başlayıb. Daha əvvəl futbolçunun “Atletiko”ya transferi ilə bağlı xəbərlər yayılmışdı.

İniqo Martinesin “Barselona” ilə müqaviləsi növbəti mövsümün sonunda başa çatacaq.