Yenə Kutrone, yenə icarə

İngiltərənin “Vulverhempton” klubu futbolçusu Patrik Kutroneni icarəyə verib.

Komanda.az xəbər verir ki, 23 yaşlı hücumçu İtaliyanın “Empoli” klubuna keçib. Bu barədə A Seriyası təmsilçisinin mətbuat xidməti məlumat yayıb. Kutrone 2021/2022 mövsümünü icarə əsasında “Empoli”də keçirəcək.

İtaliya yığmasında bir oyuna çıxan Kutrone ötən mövsüm icarə əsasında İspaniyanın “Valensiya” klubunda çıxış edib.