Arda Gülər İngiltərə nəhənginin “radar”ında

“Real”ın yarımmüdafiəçisi Arda Gülər ​​karyerasını İngiltərə Premyer Liqasında davam etdirə bilər.

Komanda.az “Team Talk”-a istinadən xəbər verir ki, “Liverpul” türkiyəli yarımmüdafiəçini almaqda maraqlıdır.

Arda ötən mövsümün ilk yarısını müxtəlif zədələrə görə buraxsa da, sonradan La Liqada keçirdiyi 10 matçda 6 qol vurmağı bacarmışdı. Yarımmüdafiəçinin növbəti mövsümdə əsas heyətdə daimi yer tutacağına zəmanət verilmir, buna görə də, “Liverpul” matç təcrübəsinin zəmanəti ilə Ardanı heyətə cəlb edə bilər.

19 yaşlı futbolçunun “Real Sosyedad”a icarəyə verilə biləcəyi söylənsə də, “Real”ın baş məşqçisi Karlo Ançelotti bu yaxınlarda Ardanın gələn mövsüm də komandada qalacağını bildirib.