Premyer Liqa klubu milli üzvüylə “nikah təzələdi”

İngiltərənin “Norviç” klubu futbolçusu Aleksandr Tettinin müqaviləsinin müddətini artırıb.

Komanda.az xəbər verir ki, 33 yaşlı yarımmüdafiəçi ilə müddəti 2021-ci ilin yayına qədər olan sözləşmə imzalanıb. Bu barədə klubun rəsmi saytı məlumat yayıb.

2012-ci ildən “Norviç”də forma geyinən Tetti, bu mövsüm Premyer Liqada 19 oyunda iştirak edib. Yarımmüdafiəçi Norveç milli komandasının da üzvüdür.