“Barselona”nın futbolçusu “Mançester Siti”nin hədəfində

İngiltərənin “Mançester Siti” klubu “Barselona”nın futbolçusu Niko Qonsaleslə maraqlanır.

Komanda.az xəbər verir ki, bu barədə İspaniya mətbuatı məlumat yayıb.

Bu mövsüm “Barselona”nın əsas komandasıyla La Liqada 5 oyuna çıxan yarımmüdafiəçi “Mançester Siti”nin diqqətini çəkib. “Şəhərlilər” qışda ispan futbolçu üçün Kataloniya təmsilçisi ilə danışıqlara başlayacaq.

“Barselona”nın yetirməsi olan Nikonun klubla müqaviləsi 2024-cü ilin yayına qədərdir. Onun “transfermarkt”da dəyəri 500 min avrodur.