“Arsenal” onu, o başqasını istəyir

İngiltərənin “Arsenal” klubu “Fiorentina”nın futbolçusu Duşan Vlahoviçlə maraqlanır.

Komanda.az xəbər verir ki, London təmsilçisi qışda serbiyalı hücumçunu heyətinə qatmaq niyyətindədir. Bu barədə İtaliya mətbuatı məlumat yayıb. Xəbərdə, A Seriyası təmsilçisinin 21 yaşlı futbolçunun keçidi üçün “Arsenal”la 80 milyon avro qarşılığında razılaşdığı bildirilib.

Lakin Vlahoviç və meneceri daha yaxşı təkliflər gözləyir. Futbolçu London klubuna keçməyə müsbət yanaşmır.

Vlahoviç bu mövsüm 13 oyunda 10 qol vurub.