İngiltərədə cəmi 5 klub bütün meyarlara cavab verir

İngiltərədə kişi peşəkar futbolu üzrə aparılmış ən genişmiqyaslı araşdırma maraqlı nəticələr ortaya çıxarıb.

Komanda.az “Fanbanter” portalına istinadən xəbər verir ki, cəmi 5 klub yeni tənzimləmə sisteminin bütün meyarlarına cavab verib.

“Fair Game” şirkəti tərəfindən aparılan yoxlama zamanı 200-ə yaxın komanda 8 əsas kriteriya – o cümlədən maliyyə dayanıqlığı və şəffaflıq üzrə testdən keçirilib.

Nəticədə, yalnız bu komandalar bütün parametrlərə uyğun sayılıb:

“Brayton” (Premyer Liqa)

“Kembric Yunayted”

“Karlayl Yunayted”

“Uimbldon”

“Bat Siti”

Bunlardan dördü aşağı liqalarda çıxış edir.

Hesabatda həmçinin, qeyd olunur ki, İngiltərənin ən yüksək dörd liqasında yer alan 92 klubdan 43-nün maliyyə ehtiyatı cəmi bir aydan az müddətə kifayət edir. Bu isə klubların potensial ləğv olunma riski ilə üzləşə biləcəyini göstərir.