Premyer Liqada mövsümün ən yaxşı futbolçusunun adı açıqlanıb

“Mançester Siti” klubunun yarımmüdafiəçisi Fil Foden İngiltərə Premyer Liqasının 2023/2024 mövsümünün ən yaxşı futbolçusu seçilib.

Komanda.az turnirin rəsmi saytına istinadən məlumatına görə, 23 yaşlı futbolçu səsvermədə komanda yoldaşı Erlinq Haland, həmçinin Aleksander İsak (“Nyukasl”), Martin Edeqor, Deklan Rays (hər ikisi “Arsenal”), Koul Palmer (“Çelsi”), Vircil van Dayk (“Liverpul”) və Olli Uotkinsi (“Aston Villa”) qabaqlayıb.

Foden bu mövsüm İngiltərə Premyer Liqasında 34 oyun keçirib, 17 qola və 8 məhsuldar ötürməyə imza atıb.