Menecerlərə ən çox pul ödəyən İngiltərə klubu bilindi

İngiltərə Premyer Liqası klublarının futbolçu menecerlərinə 2020-ci il üzrə ödənişləri açıqlanıb.

Komanda.az xəbər verir ki, agentlərə ödənilən ümumi məbləğ 272 milyon funt-sterlinqdir. Bu barədə İngiltərə Futbol Federasiyasının mətbuat xidməti məlumat yayıb.

İngiltərədə menecerlərə ən çox ödəniş edən “Çelsi” klubudur. “Zadəganlar” futbolçu transferləri zamanı agentlərə 35 milyon funt-sterlinq ödəyib. Siyahının 2-ci pilləsində 30 milyonla “Mançester Siti”, 3-cüdə isə 29 milyon funt-sterlinqlə “Mançester Yunayted” yer alıb.