Cəmi 6 futbolçusu qalıb – İngiltərənin köklü klubunun

İngiltərənin köklü klublarından olan “Bolton” çətin günlər keçirir.

Komanda.az xəbər verir ki, son mövsümdə Çempionşipi 23-cü sırada bitirərək, İngiltərə 1-ci liqasına düşən “Bolton” klubu maliyyə problemləri yaşayır. Klubun saytından edilən açıqlamaya görə, “Bolton”un əsas komandasında sadəcə 6 futbolçu qalıb. 8 nəfər isə klubun aşağı yaş qruplarından əsas komandaya cəlb edilib.

Açıqlamada, klubun Çempionşiplə vidalaşmasının ardından bir çox futbolçunun müqaviləsini birtərəfli ləğv etdiyi bildirilib.

Növbəti mövsümdə İngiltərə 1-ci liqasında mübarizə aparacaq “Bolton”, 145 illik tarixində 4 dəfə İngiltərə Federasiya kubokunun qalibi olub.