Tuxel: “Məğlub olsaq da, bir təcrübə qazanacağıq”

İngiltərənin “Çelsi” komandasının baş məşqçisi Tomas Tuxel Çempionlar Liqasının finalında “Mançester Siti”yə qarşı keçirəcəkləri oyundan əvvəl fikirlərini bildirib.

Komanda.az UEFA-nın mətbuat xidmətinə istinadən xəbər verir ki, alman mütəxəssis, matçla bağlı bunları deyib:

“Ən yaxşı oyunumuzu göstərməyə çalışmalıyıq ki, sonradan peşman olmayaq. Bunu komandadakı hər kəsə çatdırmağa çalışıram.

Finala çıxdığımıza görə sevinirik. Bundan sonra da sevincimizi davam etdirmək istəyirik. Məğlub olsaq da, bir təcrübə qazanacağıq. Futbolda hər zaman fərqlənmək üçün şansın olur.

Heyətimizdə zədəli futbolçu yoxdur. Ümid edirəm ki, oyun saatına qədər bu, belə də qalacaq”.

Bu gün keçiriləcək “Mançester Siti” – “Çelsi” matçı saat 23:00-da start götürəcək.