“Çelsi”nin futbolçusu idman vətəndaşlığını dəyişmək istəyir

İngiltərənin “Çelsi” klubunun futbolçusu Kallum Hadson-Odoi idman vətəndaşlığını dəyişə bilər.

Komanda.az xəbər verir, bu barədə “Daily Mail” nəşri məlumat yayıb. Daha əvvəl İngiltərənin aşağı yaş qrupları üzrə yığmalarında çıxış edən vinger, Qana milli komandasında oynamaq istəyir.

20 yaşlı futbolçu həm Qana, həm də İngiltərə vətəndaşıdır. Kallum İngiltərənin əsas yığmasında oynamadığı üçün FİFA-nın razılığı ilə Qana millisində çıxış edə bilər.

“Çelsi”nin yetirməsi olan Kallum bu mövsüm 3 oyunda iştirak edib.