Premyer Liqa klubundan 20 milyonluq hücumçu transferi

İngiltərənin “Brayton” klubu heyətini yeni futbolçu ilə gücləndirib.

Komanda.az xəbər verir ki, Premyer Liqa təmsilçisi “Brentford”dan Nil Mopeni transfer edib. Bu barədə klubun rəsmi saytı məlumat yayıb. 22 yaşlı hücumçu ilə 4 illik müqavilə imzalanıb.

“Brayton” Mope üçün “Brentford”a 20 milyon avro ödəyib. Fransız hücumçu ötən mövsüm Çempionşipdə 43 oyuna 25 qol vurub.