AÇ-2020: “Belə şans bir də ələ düşməyəcək” – Şirer

İngiltərəli keçmiş hücumçu Alan Şirer İngiltərə yığmasının AÇ-2020-ni qazanma şansı haqda danışıb.

Komanda.az xarici mətbuata istinadən xəbər verir ki, Şirer, İngiltərə millisinin çempion olmaq üçün yaxşı fürsətinin olduğunu deyib:

“Püşk çox uğurlu alındı. İngiltərənin AÇ-2020-ni qazanmaq üçün çox yaxşı şansı var. Belə şans bir də ələ düşməyəcək. 1/4 final oyunu Romada olsa da, yarımfinal və final qarşılaşmaları Londonda keçiriləcək. Bundan artıq nəsə istəyə bilmərik. Bu şans kimə təklif olunsa, hamı razı olardı.

Almaniya ilə oyundan əvvəl İngiltərə favoritlər arasında göstərilmirdi, komandanın uduzacağı haqda danışılırdı. Ssenari fərqli oldu. İndi hər şey bizim lehimizədir. İngiltərə millisinin AÇ-2020-ni qazanmaq üçün yaxşı şansı var”.

İngiltərə yığması AÇ-2020-nin 1/4 final mərhələsində Ukrayna ilə qarşılaşacaq.