“Oyun 18:0 hesabıyla bitəcək” – Qvardiola

İngiltərə Premyer Liqasının 29-cu turu çərçivəsində “Sauthempton”la qarşılaşacaq “Mançester Siti”nin baş məşqçisi Xosep Qvardiolanın matçdan əvvəl mətbuat konfransı keçirilib.

Komanda.az xarici mətbuata istinadən xəbər verir ki, Qvardiola media nümayəndələri ilə görüşdə “Lester” və “Mançester Yunayted” kimi siz də 9 qol vuracaqsız” sualına maraqlı cavab verib:

“Yox, 18 qol vuracağıq, oyun 18:0 hesabıyla bitəcək. Bu necə sualdır? Bir az ciddi olun. “Sauthempton”la oyunda qələbə qazanmağa çalışacağıq”.

Bu gün keçiriləcək “Mançester Siti” – “Sauthempton” matçı saat 22:00-da start götürəcək. “Sauthempton” ötən mövsümdə “Lester”ə 0:9, bu mövsüm isə “Mançester Yunayted”ə 0:9 hesabıyla uduzub.