Premyer Liqada ayın ən yaxşıları bilindi

İngiltərə Premyer Liqasında noyabr ayının ən yaxşı futbolçusu və baş məşqçisi məlum olub.

Komanda.az turnirin saytına istinadən xəbər verir ki, ən yaxşı oyunçu “Liverpul”dan Trent Aleksander-Arnold, baş məşqçi isə “Mançester Siti”dən Xosep Qvardiola seçilib.

Arnold “Liverpul”la ötən ay iştirak etdiyi 3 oyunda 1 qol vurub, 4 məhsuldar ötürmə edib. Xosep Qvardiolanın rəhbərlik etdiyi “Mançester Siti” isə noyabrda keçirdiyi 3 oyunda da qələbə qazanıb.