“Üstünlük bizdədir, lakin…” – Tuxel

İngiltərənin “Çelsi” komandasının baş məşqçisi Tomas Tuxel Çempionlar Liqasının yarımfinal mərhələsi çərçivəsində İspaniya “Real”ına qarşı keçirdikləri oyundan sonra fikirlərini bildirib.

Komanda.az xarici mətbuata istinadən xəbər verir ki, Tuxel, 1:1 hesabıyla bitən görüşü belə şərh edib:

“İlk oyunun nəticəsindən sonra cütün favoriti olduq. Üstünlük bizdədir, lakin “Real” səfərdə də rəqiblərinə problem yarada biləcək komandadır.

Xüsusilə, ilk 30 dəqiqədə daha bir qol vura bilərdik. Hiss edirəm ki, ilk hissədəki oyunumuzla başqa qollar vura bilsəydik, nəticə fərqli olardı.

İkinci hissədə taktiki mübarizə getdi. Futbolçular yorulmuşdu. Cavab matçına qədər vaxtımız və mərhələni keçmək üçün kifayət qədər gücümüz var”.

“Çelsi” – “Real” matçı mayın 5-də, Londonda keçiriləcək.