“Mançester Yunayted”in çempion olmaması üçün səbəb yoxdur” – Runi

“Mançester Yunayted”in və İngiltərə millisinin sabiq futbolçusu Ueyn Runi Kriştiano Ronaldonun keçmiş klubuna qayıdışını şərh edib.

Komanda.az xəbər verir ki, Runi, portuqaliyalı hücumçunun “qırmızı şeytanlar”ı çempionluğa aparacağını deyib:

“İndi Premyer Liqada qol vurmaq İtaliyada və İspaniyada qol vurmaqdan daha çətindir. İrlandiya ilə oyunda Ronaldo bunu sübut etdi. Ronaldonun çox qol vuracağına və “Mançester Yunayted”i çempionluğa aparmaq üçün çalışacağına inanıram.

Ronaldonun İngiltərəyə qayıdışı Premyer Liqa üçün də böyük faydadır. “Mançester Yunayted”in çempion olmaması üçün səbəb yoxdur”.